無論香港政府點樣否定，點樣無視都好，好多香港人離開香港已成定局。 唔少人用門檻比較低既BNO Visa 去英國，亦有好多人去台灣，日本，加澳等國。實情有幾多人移離香港呢？
香港統計處幾日前公佈2020年香港人口按年減少46500 人，其中出生人口由5萬3 跌至4萬3，死亡人數升一千人至近5萬，令香港自然人口負增長。出生人口唔多唔少同對上一年既結婚人數有關，但係對上一年結婚人數只係由4萬9跌至4萬4，因此係唔排除多左香港人去海外生。
統計處再指有近5萬香港居民淨移出，計番有一萬單程證，香港有4萬人口淨移出。台灣移民署既數據指有約一萬港人獲得在台居留，同時有7千人囉左英國 Leave Outside The Rules (LOTR)。 淨低既，可能係各國既Citizen返回海外，亦可能有部分番左大陸。
但係人口移離既節奏有冇係2021年加快呢？因國安法既首批移民潮係7月中開始，根據入境處數字，係7月中至9月初每日大約有500-1500香港居民經機場離開香港。但海外疫情因秋天而開始再度嚴重，包括英國至內國家開始Lockdown，令人口移離節奏開始放緩。十月至十一月基本上保持平衡，有海外港人因疫情回港，有港人依然去外國，但兩者數字係差不多。十二月開始，又開始每日淨數百人離開香港。係二月開始放緩至每日二百人左右，可能係等BNO Visa？或者等埋過年先去外國？
無論如何，2021年短短六個星期多，已經有超過一萬三千香港居民淨遷移，香港政府再否定都冇用，數據都已經顯示哂出黎。
Comments