十年過去，歷史再重演

津巴布韋歷史上係一個食物出口國，國家收入由農業支撐。國內過半農地由白人持有，獨裁者穆加比係2000年開始沒收農地再賣比黑人。但呢批新既農夫冇足夠能力去管理農地，最終津巴布韋由農業出口變進口國。國家財政大受影響。

津巴布韋最有名係佢地係2008年發行既100萬億元鈔票。佢地印鈔黎支撐公共財政，令通賬不受控。2009年政權放棄再發行鈔票，改用美元南非幣等外幣以穩定國內經濟。

2016年，津巴布韋又開始印銀紙，一開始係印 兩蚊同五蚊鈔票，用黎解決國內零錢不足既問題。呢兩個面值既鈔票，兩蚊同五蚊係可以換同值既美元。

2019年開始，津幣鈔票唔再可以換同值既美元，而係由市場決定匯率。但係鈔票已經換印換大張，本來2，5元，而家已經出左10、20元，而將會發行50元。而津幣已經貶值到一美元換100津幣。

只係十年，印鈔高通賬既歷史又再重演。