離港去英

由上年7月國安法impose落香港之後都一直係積極考慮去英國既，幾個月都係Passive地去計劃。直到十月初考完試，而香港情勢又冇好轉，就係個時決定畢業就動身去英國，而父母就（半）退休。

仲係十月既時候係考慮緊Sheffield或者係Nottingham。但係因為父母想比較近London，而住宿又唔會太貴，最後就選擇左雷丁。

買左十一月中既機票坐Virgin Atlantic黎英國，當時有一個半月時間去準備，其實好趕，唔夠時間，香港既野當時係冇交低哂就走。當時香港機場係杳無人煙，非常靜，只有個別商店開門。

好靜既機場：

一家三口，就只係囉左兩車行李，真係唔多野。

落機既時候有幾個人等緊囉LOTR，其實個時心情好緊張，擔心會唔會囉唔到，最後關員都冇問問題就比我地過。去雷丁我地首先係住係酒店，我同父母租左兩間房，每晚每間房大約35鎊，當時第二次National lockdown，我地又唔熟路，日日都係酒店房。個時都好積極搵樓，無奈我地鍾意個區好搶手，好盤一兩日就已經比人租左。一個月過去都未有心水既樓盤，而且酒店冇得煮食，我地得個慢煮煲煲下湯同少量食物，所以我地搬左去Serviced Apartment 又住一個月。

超好用既慢煮煲

Serviced Apartment ：

Serviced Apartment 基本野齊全，最重要係有得煮飯，成個月冇咩熱食係有D難頂。

黎到英國一我開始最唔慣既係日照時間太短，四點幾就天黑，加上lockdown，超級難受。夜晚市區超冷清：

去到Christmas我地睇中左個盤，咁就一月中搬入去新居了。

入左新屋之後就最煩就係買傢俬。 咁啱有人賣左樓要賣埋部Harpsichord ，咁我就一千鎊樓下買左一部1985年加拿大造既Harpsichord。比我可以放低左咁多年之後，再take UP番

電器其實都唔係貴，買左一部Phillip 70寸電視唔洗6000港幣，而我買左一部27寸既電腦Mon，都係1300港幣。

黎到雷丁已經四個月，其實黎到有幾樣野係好Enjoy。第一係全家都好鍾意餵鴨鵝，亦係lockdown唯一樂趣。

第二係空氣好，冇光污染，夜晚星空好正。是旦影都好正

第三係買餸好平囉，特別係肉。咁樣既排骨都只係50港幣

走地雞大蛋都只係70港幣一底(30只）。