2021 年係一個好奇妙既一年。由初到英國做新移民，到而家已經唔係好新啦。
2021年一月既時候仲係Reading市中心度住緊Serviced Apartment，仲等緊交樓，連車都未有。而到左2022年一月，我已經續左租約，搵到工，買左車周圍去（去左威爾斯四次，蘇格蘭，約克群各一）。
一開始到埗既時候，雷丁只有好少香港人。每次去街，去超市遇到香港人總會去搭下嘴，互相認識一下，個時都仲係得一個WhatsApp Group。今日，雷丁Broad Street同埋幾間超市總有幾家香港人係附近，多人到大家都開始唔再打招呼了，而General WhatsApp Group已經開拓到六個，仲有Postcode 街坊谷，Gardening谷，煮食谷，跑步谷，家長谷等等。 連我地一個Postcode 既聚餐都去到超過一百人，非常誇張。到左今日冇幾百位香港人係雷丁街頭組織快閃人鏈，一點都唔意外。
2021年既頭半年都係係度慢慢適應英國生活既時候，活動範圍都係雷丁，倫敦唐人街，或者中超，鮮有揸車出去其他城市。 自從六月中去左一次蘇格蘭之後，我地既活動範圍就開始擴大啦，而家揸車出倫敦或者Southampton 都當家常便飯，剛剛去威爾斯玩五日都係草草執拾就出發。
2021年頭半年都未開始諗未來做咩工作，畢竟自己都未適應呢度既生活，又唔係等錢用，個時都未有考慮好多有關番工既問題。2021年8月搵到一份工，份工算係幾適合我，入職四月多，到而家2022年起始，就已經升左一次職，兩次人工。
2021年初，只係識得幾位朋友係英國生活；到左今日，除左百幾位同Postcode既街坊之外，仲有唔少香港朋友黎左英國，一齊食飯，聚會。 2021年有十五萬香港居民（淨值：出境減入境）經機場離開香港，總數係香港人口既百份之二。如果當中有一半人係黎英國，其實已經令到英國人口增長超過千分之一。
另一方面，BNO港人黎到英國可以即刻做選民，唔難預期多左好多香港人既選區，MP/Candidate 會對中國有更強硬態度黎拉香港新移民既票。Kingston係香港人首選之一，而咁啱MP係 Lib Dem 黨魁 Ed Davey，同時Richmond 都係港人首選頭幾位，又係Lib Dem 做MP。 香港人湧去Kingston同Richmond唔難影響Lib Dem既政策。
其實全英多左十萬港人做選民，要係政策發聲並唔難。即使被接納機會唔高，但係香港人係有一定既政治本錢。
Comments